Bayern Munich ka refuzuar mundësinë për të caktuar Arsene Wenger, si trajnerin e ri të skuadrës.
Wenger, 70 vjeç, besohej se kryesonte garën për postin e mbetur vakant, dhe sipas raportimeve ai ka zhvilluar një bisedë telefonike me presidentin Karl- Heinz Rummenigge për të shprehur dëshirën e tij për t’iu bashkuar klubit bavarez.
Por sipas “Sky”, Bavarezët e kanë refuzuar atë, për arsye të kohëzgjatjes së kontratës.
Wenger dëshironte një kontratë afatgjatë por Bayerni i ofronte një kontratë deri në fundin e sezonit, për të parë zhvillimet e skuadrës.
Bayerni i Munihut, aktualisht gjendet në vendin e katërt në Bundesliga, me pesë fitore në 10 ndeshjet e para të sezonit.
