Një trup i pajetë është gjetur në kryeqytet pasditen e sotme. Në një njoftim paraprak të policisë lidhur me ngjarjen, policia bën me dije se viktima dyshohet se ka humbur jetën për shkaqe natyrale.
“Rreth orës 14.50, në rrugën e ‘Kavajës’, në një ndërtesë që ka shërbyer si kabinë elektrike’ por tashmë është jashtë funksionit, është gjetur pa shenja jete, i dekompozuar, trupi i pajetë i shtetasit R. Z., 39 vjeç. Nga këqyrja paraprake e trupit të pajetë, nuk janë konstatuar shenja dhune, apo dëmtime nga ndonjë faktor tjetër”, bënë me dije burime zyrtare nga policia e Tiranës.
Dyshohet se shkaku i vdekjes është për shkaqe natyrale, ndërsa grupi hetimor po vijon punën për sqarimin e mëtejshëm të rrethanave të ngjarjes, shtuan të njëjtat burime.
