Kombëtarja e Portugalisë, luan 2 ndeshje për kualifikimet e Europianit 2020, më datë 14 nëntor ndaj Lituanisë dhe tre ditë më vonë ndaj Luksemburgut.
Për këto dy ndeshje, Portugalia ka publikuar listën e lojtarëve të grumbulluar me anë të një postimi në rrjetin social “Twitter”.
Ndryshimet më të mëdha në krahasim me grumbullimet e tjera, trajneri Santos i ka bërë në repartin e sulmit, ku janë thirrur dy prurje të reja.
Bëhet fjalë për sulmuesin e Frankfurt , Pacienca, i cili rikthehet në kombëtare pas më shumë se një viti. Gjithashtu një risi tjetër është edhe Daniel Podence, i cili grumbullohet për herë të parë në kombëtaren luzitane.
