Kryeministri Edi Rama ka reaguar në lidhje me djaloshin Alvin Berisha i cili po mbahej në kampin Al Hol në Siri, dhe nuk e lejonin të ribashkohej me të atin në atin në Itali. Një histori që theu zemrat e gjithë publikut e transmetuar nga emisioni investigativ italian “Le Iene”.
“Pas një jave në kufirin sirian, së bashku me një skuadër speciale të policisë sonë dhe në bashkëpunim të ngushtë me partnerët italianë, ministri ynë i brendshëm po përcjell në këtë moment Alvinin në ambasadën italiane në Beirut, prej ku vogëlushi shqiptar do të pajiset me dokumentat e nevojshme e do të fluturojë drejt babait në Romë” – shkruan Rama në një postim në Facebook, ku ka dhe disa falenderime ku vlen të theksohet ai për kryeministrin italian Giuseppe Conte.
Mësohet se në takimin që kryeministri Rama bëri me homologun italian Giuseppe Conte , pak kohë më parë është diskutuar pikërisht për Alvin Berishën dhe i ka kërkuar atij që që Italia të udhëhiqte operacionin për shpëtimin e Alvinit.
Reagimi i plotë i kryeministrit Rama:
ALVINI PO KTHEHET NË SHTËPI😍
• Pas një jave në kufirin sirian, së bashku me një skuadër speciale të policisë sonë dhe në bashkëpunim të ngushtë me partnerët italianë, ministri ynë i brendshëm po përcjell në këtë moment Alvinin në ambasadën italiane në Beirut, prej ku vogëlushi shqiptar do të pajiset me dokumentat e nevojshme e do të fluturojë drejt babait në Romë🤗
• Një falenderim i veçantë për kryeministrin Giuseppe Conte, i cili u angazhua personalisht në ndjekjen e operacionit për palën italiane🇦🇱🤝🇮🇹
• Faleminderit edhe dy organizatave humanitare që u bënë pjesë jetike e këtij operacioni tejet kompleks e të rrezikshëm, pa harruar konsullin e nderit të Shqipërisë në Liban, që luajti një rol të pazëvendësueshëm🙏
• Por për ne, përpjekja nuk mbyllet këtu, sepse fëmijë e gra nga Shqipëria vazhdojnë të jenë peng në kampin-burg prej ku arritëm të nxjerrim Alvinin…
