Sipas studimeve, një nga zënkat më të shpeshta mes çiftit lidhet me ushqimin. Edhe pse ekspertët thonë se me kalimin e kohës, shijet e dy partnerëve shkojnë drejt preferencave të njejta, përzgjedhja e dy lloje ushqimesh krejt të ndryshme bëhet shpesh shkas për konflikt.
Megjithatë, ky nuk është rasti i Elita Rudit dhe Gjikos. Ulur në tryezë, nën shoqërinë e programeve televizive, Elita ka zgjedhur ta kalojë mbrëmjen me shije të rafinuar, ndryshe nga Gjiko i cili ka mbetur në kornizat e tradicionales. Nëse reperi zgjedh fasulet për vaktin e mbrëmjes, Elita nuk e sheh të arsyeshme të nisi ndonjë zënkë të mundshme, kështu porosit disa sushi dhe problemi zgjidhet më lehtë nga se mendohet.
Një situatë të tillë, Elita dhe Gjiko e kanë ndarë me ndjekësit me humor, duke postuar video në rrjetet sociale. Gjiko madje ka hapur dhe një sondazh, për të parë se sa nga fansat mbajnë anën e tij.
