Aktorja e njohur e Hollivudit, Charlize Theron së fundmi është shprehur se ajo e mirëpret futjen masive të kategorive gjinore neutrale në dhënien e çmimeve të ndryshme.
Gjatë Hollywood Film Awards, në Beverly Hills të dielën, aktorja u pyet se kur duhet të bëhet një zhvendosje nga klasifikimet binare mashkull dhe femër. “Le të shpresojmë së shpejti”, u përgjigj 44-vjeçarja fituese e çmimit Oskar.
Charlize u vlerësua në Hollywood Film Awards me çmimin e karrierës.
Këto komentet vijnë pasi Charlize konfirmoi se po e rrit fëmijën e saj Jackson, shtatë vjeç, si vajzë, pasi ia prezantoi atë gjithë botës si një djalë.
“Po. Edhe unë mendova se ishte djalë”, deklaroi Charlize për Daily Mail pak kohë më parë.
“Deri kur Jackson, në moshën tre vjeçare më pa në sy dhe më tha “Mami, unë nuk jam djalë!”, rrëfeu ajo.
Kështu që nga ajo kohë, aktorja filloi ta linte djalin e saj të ndihej dhe të vishej si një vajzë. Sigurisht duke u frymëzuar nga nëna e tij, Charlize, e cila është kritikuar jo pak për këtë veprim të saj.
“Unë kam dy vajza të bukura dhe ashtu si çdo prind, unë dua t’i mbroj dhe dua t’i shoh të shkëlqejnë”, tha Theron.
“Puna ime si prind është t’i dua fëmijët e mi dhe të sigurohem që ata të kenë gjithçka që u nevojitet, në mënyrë që të mund të bëhen çfarë ata dëshirojnë”, shtoi ajo.
