Erling Haaland, sulmuesi i Salzburgut, është shndërruar në talentin më të përfolur në futbollin elitar.
Mbrëmjen e kaluar ai shënoi përsëri në Ligën e Kampionëve në ndeshjen kundër Napolit, madje duke thyer një rekord të ri, që e bashkon atë me më të mirët e historisë.
Në moshën 19-vjeçare, ai ka realizuar shtatë gola në kompeticionin më të rëndësishëm kontinental për klube, dhe tashmë ka tejkaluar numrin e golave të realizuar nga Raúl dhe Mbappé në të njëjtën moshë.
Haaland mbërriti në Salzburg një vit më parë nga Molde. Në pak muaj ai është shndërruar në një “yll” të padiskutueshëm të futbollit. Në këtë sezon në kampionatin austriak ka shënuar 12 gola në 11 ndeshje, por siç tregojnë dhe statistikat ai shkëlqen jo vetëm në kampionatin ku luan por dhe në Ligën e Kampioneve.
Haaland është aktivizuar te përfaqësueset e moshave të Norvgjisë që kur ishte kur ishte 15 vjeç. Trajneri i përfaqësueses nordike, Lars Lagerbäck, i dërgoi ftesë në muajin shtator, kur bëri debutimin me ekipin e parë të Norvegjisë.
