Moti i keq ka përmbytur gjithë qytetin e Durrësit, ndërkohë që nuk ka ende asnjë reagim apo masë nga ana e kryetares së bashkisë Valbona Sako., për tu ardhur në ndihmë qytetarëve, të cilët do tu duhet të përballen me vështirësi të mëdha.
Situata me problematike shfaqet te kryqëzimi pranë stadiumit, rreth-rrotullimi tek stacioni i trenit, shëtitorja taulantja, lagjja 13, 14 dhe 15.
Gjithashtu problematike mbetet dhe furnizimi me energji elektrike, pasi në disa lagje nuk ka drita. Durrësi preket gjithnjë nga përmbytjet sa herë ka reshje shiu të dendura.
Nuk është hera e parë që Durrësi përballet me përmbytje kur ka reshje shiu, por pavarësisht kësaj kryebashkiakja e Durrësit nuk mori asnjë masë paraprake, duke bërë të njëjtin veprim si paraardhësi i saj Vangjush Dako, që të lërë qytetarët në mëshirë të fatit.
Meteorologët kanë paralajmëruar për reshje intensive orët në vijim në thuajse gjithë vendin.
