Ky është momenti i jashtëzakonshëm ylli i Arsenalit, Sead Kolasinac luftoi pa iu dridhur qerpiku me dy ‘ninxha’ të armatosur me thikë që i kërcënuan në mes të Londrës, bashkë me shokun e tij, futbollistin Mesut Ozil për t’u marrë orët e tyre 300 mijë dollarëshe.
Në pamjet e shpërndara nga policia britanike shihet se si dy grabtësit, tashmë të arrestuar, e kërcënojnë me thikë mbrojtësin boshnjak në derën e automjetit brenda të cilit gjendet Ozil dhe bashkëshortja e tij.
Por reagimi i 26-vjeçarit është epik; ai jo vetëm nuk lëviz vendit nga thika që i prek herë pas herë trupin, por i zmbraps menjëherë grabitësit që largohen nga sytë këmbët.
