‘Mbylluni brenda, mos dilni nga shtëpitë’, kjo ka qenë fraza që e kemi dëgjuar shpesh nga kryebashkiaku i Tiranës Erjon Veliaj allias Llali Eri, sa herë që në Tiranë fillonte shiu.
Por edhe pse prej disa ditësh vendi ynë është përfshirë nga shirat e rrëmbyer, Tirana është përmbytur, trafiku është rënduar, ende nuk ka asnjë thirrje nga meteorologu i kryeqytetit lali Eri, nëse duhet t’i marrim ose jo çadrat me vete.
Madje lali i famshëm këtë viti shtyu edhe festimin e ditës së verës. Ku nga 14 marsi e çoi në 16 mars, pasi sipas parashikimeve të tij në 14 do të bëhej qameti, do të binin gurë nga qielli.
Kjo mungesë e parashikimeve të lalit e ka bërë më të ‘pasigurtë’ jetën e qytetarëve të Tiranës, të cilët tashmë nuk dinë se çfarë të bëjnë, të rrinë brenda këto ditë, apo të marrin çadrat dhe të shkojnë para bashkisë për të parë se sa bukur lali po e zbukuron Tiranën.
Megjithatë ka zëra se lalit i ka ikur ‘orakulli’’ këshillues, pasi u bë disa ditë që lali nuk ka marrë asnjë çmim të parë, pasi propaganda e tij trumbenton me të madhe se lali merr çmime çdo ditë.
Gjithsesi lali duhet të dalë në media dhe tu shpjegojë qytetarëve dhe taksapaguesve të cilët sot janë në ankth dhe me sytë nga qielli, se çfarë duhet të bëjnë ditët në vijim, të dalin apo jo nga shtëpitë, a duhet t’i marrin apo jo çadrat me vete?
Edhe pse për këtë të fundit ka sërish zëra që thonë se lali ka urdhëruar që askush mos mbajë më çadra me vete, pasi opozita i përdori ato gjatë protestave dhe mbi to shkruhej ’Rama Ik’.
PS: Lali të lutem çfarë do që të ndodhë merre guximin dhe na thuaj se çfarë do të bëhet me motin ditët në vijim, nëse ke kohë na fol dhe për euron se po ikën gropë… /Boldnews.al
