Ernesto Valverde pranon që ai dhe Barcelona, po e ndjejnë presionin që po krijohet pas dy ndeshjeve të dobëta brenda pak ditësh.
Valverde u shpreh i pakënaqur me skuadrën e tij për mungesën e aftësisë, për të shfrytëzuar shanset që krijuan, në barazimin 0-0 ndaj Slavia Pragës mbrëmjen e djeshme.
“Ne nuk konkretizuam shanset që krijuam me shumicë. Slavia gjatë ndeshjes gjithmonë ishin në rrezik të pësimit të golit. Ata luajtën më një mbrojtje të avancuar, dhe ne duhet të ishim më efecient, më konkret në pasin e fundit .
“Ndeshjen para kësaj ne e humbëm ndaj Levantes, dhe jemi të vetëdijshëm që dy ndeshjet e fundit kanë qenë të dobëta. E dimë që mbi shpatulla kemi shumë presion dhe duhet të reagojmë ndaj kësaj situate”. – tha ai në konferencën për shtyp pas ndeshjes.
Barazimi i djeshëm e vendos trajnerin, Valverde, në një rrezik shkarkimi, por gjithsesi pas humbjes të së shtunës në kampionat, ai deklaroi që nuk mendon dorëheqjen dhe që vendimin e merr bordi i skuadrës.
