Tottenham ka apeluar kartonin e kuq e dhënë ndaj Heung-Min Son , për ndërhyrjen e tij ndaj mesfushorit të Evertonit, Andre Gomez. – raporton Sky Sport.
Një deklaratë nga ana e Premier League, tha që kartoni i kuq u dha ndaj tij për “rrezikimin e sigurisë së lojtarit” por trajneri i Tottenham, Pochettino, nuk ishte dakord duke thënë:
“Ishte e qartë se nuk ishte qëllimi I Son, për të krijuar problemin që ndodhi më vonë. Është e pabesueshme të shikosh një karton të kuq për Son në atë situatë,”
“Në atë situatë duhet kujdes pasi vendimi i arbitrit ishte një karton e verdhë por VAR e ndryshoi vendimin”.
“VAR duhet të kontrollojë nëse është një ndërhyrje e gabuar nga Son dhe të gjykojë veprimin e tij, jo çfarë ndodhi më pas”.
“Të gjithëve na vjen keq për Andre Gomes. Dua të përcjell urimet më të mira për të dhe familjen e tij në këtë moment të vështirë, në emër të skuadrës, urimet tona më të mira”.- përfundoi trajneri argjentinas.
