Duke filluar nga nata e sotme, “Champions League”, rikthehet me raundin e katërt të fazës së grupeve.
Sonte luhen tetë takime, por ndeshja që bie në sy është ajo midis Borussia së Dortmundit dhe Interit.
Dortmundi vjen në këtë takim pas një ecurie pozitive në kampionat dhe humbja e fundit vjen pikërisht nga Interi në “San Siro”, ndërsa nga ana tjetër edhe Interi është në një formë mjaft të mirë, me një dyshe sulmi të frikshme të përbërë nga Lautaro Martinez dhe Romelu Lukaku.
Ndërsa në konferencën për shtyp para ndeshjes, Antonio Conte ,deklaron:
“Është një ndeshje e rëndësishme, ne e Borussia jemi me pikë të barabarta, Barcelona e ka hipotekuar një vend. U treguam të aftë të fitonim në shtëpi, e dimë mirë sa vështirë do jetë nesër, përballë një klubi të fortë e të kolauduar, që luan Champions prej shumë vitesh. Ambienti do të jetë shumë i nxehtë, elektrik, e dimë mirë çfarë tifozët e Dortmund arrijnë ti transmetojnë lojtarëve”.
Ndeshja pritet të luhet në sulm nga të dyja skuadrat, pasi një fitore e mundshme nga të dyja skuadrat thuajse i kualifikon skuadrat për në raundin e 16.
