Cardiff City rrezikon një bllokadë totale në merkaton e transferimeve, nëse nuk i paguajnë Nantes këstin e parë të tranferimit të Emiliano Sala prej 6 milionë eurosh, ku shifra totale për tu paguar është 15 milionë euro.
Cardiff City refuzoi të paguante vlerën e transferimit për lojtarin në arkat e Nante, por FIFA urdhëroi në shtator që klubi anglez duhet të paguante ndaj atij francez, pavarësisht se lojtari nuk luajti kurrë. Cardiff do të paraqesë ankesë kundër vendimit në dy javët e ardhshme në Gjykatën e Arbitrazhit Sportiv në Lozanë të Zvicrës.
Për më tepër, siç raporton BBC, organizmi drejtues i futbollit në botë i ka dhënë ultimatum klubit të Cardiffit që të paguajë brenda 45 ditëve këstin e parë prej 6 milionë eurosh, pasi në të kundërt do t’i pezullohet merkatoja për 3 sesione.
