Një ndeshje e çmendur është zhvilluar në Londër mes Chelsea dhe Ajax. Plot 8 gola të realizuar dhe dy kartona të kuq për holandezët që për 22 minuta mbetën me 9 lojtarë, ndërsa kryesonin 4-1.
Për Ajaxin realizuan Promes në minutën e 3-të e 20-të, Kepa (35′-autogol) e Van de Beek (55′). Për Chelsea realizuan Jorginho (5′-nga penalltia e 71’ – nga penalltia), Abraham (64’) dhe James (74’).
Lyon shënoi fitore me rezultat 3:1 kundër Benfica-s. Golat i shënuan për Lyonin: Andersen (4′), Depay (33′) e Traore (80’) dhe për Benfica-n Seferoviq (78’).
Napoli barazon 1:1 me Salzburgun. Për Napolin shënon Lozano në minutën e 44-të dhe për Salzburgun Haaland (11′-nga penalltia).
Liverpooli e mundi me 2:1 Genkun. Wijnaldum në minutën e 14-të hapi serinë e golave për Liverpoolin, ndërsa (41′) Mbëana Samata i Genk-ut me kokë shënon dhe barazon shifrat me Liverpoolin 1:1. Në pjesën e dytë, në minutën e 53-të, shënon Oxlade-Chamberlain nga rreth 15 metra.
Valencia e mposhti me 4:1 Lillen. Dani Parejo (66′-nga penalltia), Soumaoro (82′-autogol), Kondogbia (84’), Torres (90’) shënuan për Valencinë dhe për mysafirët realizoi Osimhen (25′).
