Mbrëmjen e sotme në “Champions League”, Chelsea do të presë në “Stamford Bride”, hollondezët e Ajax, për raundin e katërt të fazës së grupeve.
Të dyja skuadrat gjenden në kuotën e gjashtë pikëve, ku në mbrëmjen e sotme do të kërkojnë të kryesojnë të vetëm Grupin H, ku ata bëjnë pjesë.
Në këtë ndeshje skuadra e Chelseat vjen pa mungesa, ku dyshimi i vetëm është për N’golo Kante, i cili sapo është riaftësuar, dhe nuk dihet nëse do ta nisë ndeshjen nga minuta e parë, ndërsa nga ana tjetër Ajaks duhet të bëjë pa dy qendërmbrojtësit, Edson Alvarez dhe Lisandro Martinez.
Kujtojmë që ndeshjen e parë, e zhvilluar dy javë më parë, Chelsea arriti të fitojë në transfertë ndaj Ajaksit me rezultatin 0-1.
Ndeshja zhvillohet sonte, ora 21:00.
