Policia e Kurbinit ka arrestuar dy persona të cilët akuzohe për vepra të ndryshme penale.
Të ndaluarit janë shtetasit me iniciale S. R., banues në Laç, pasi ka vjedhur telefonat e shtetaseve L. Q. dhe D. R., ka kërcënuar shtetasin N.L. si dhe ka gjuajtur me gurë drejt banesës së personit me iniciale Gj.Gj.
Gjithahstu është vënë në pranga dhe 60 vjeçari me iniciale H.L, i cili është dënuar me 8 muaj burg, për vepren penale “Vjedhja e energjisë elektrike”.
Kurbin, njoftimi i policisë:
Vijon puna për kapjen e personave në kërkim dhe vënien e tyre përpara përgjegjësisë ligjore.
Kapet dhe ndalohet një shtetas i shpallur në kërkim kombëtar për veprat penale “Vjedhja”, “Kanosja”, “Shkatërrim prone” dhe “Largim i të burgosurit nga vendi i qëndrimit”.
Shërbimet e Policisë në Komisariatin e Kurbinit kanë bërë ndalimin e shtetasit në kërkim S. R., banues në Laç, Kurbin, me masë sigurie “Arrest në shtëpi”, e vendosur nga Gjykata e Rrethit Gjyqësor Kurbin, me vendim në korrik 2019, por gjatë kontrollit të ushtruar nga shërbimet policore nuk është gjendur në vendin e qëndrimit të caktuar nga Gjykata.
Për këtë shtetas, më datë 28.07.2019, ka bërë kallëzim shtetasi L. Q. se i ka vjedhur një telefon celular.
Më datë 10.09.2019 ka kanosur me fjalë shtetasin N.L.
Më datë 03.10.2019, i ka vjedhur telefonin cellular shtetases D. R. dhe më datë 01.11.2019 ka dëmtuar me gurë banesën e shtetasit Gj. Gj.
Materialet proceduriale i kaluan Prokurorisë pranë Gjykatës së Shkallës Parë Kurbin, për veprime të mëtejshme.
—
Gjithashtu, nga shërbimet e Policisë së Kurbinit, u bë kapja dhe ndalimi i shtetasit H. L., 60 vjeç, banues në Kurbin.
Për këtë shtetas, Gjykata e Shkallës së Parë Kurbin, me vendim në shkurt 2017, lënë në fuqi nga Gjykata e Apelit Tiranë, e ka dënuar me 8 muaj burg, për vepren penale “Vjedhja e energjisë elektrike”.
