Një situatë aspak e zakonshme ka ndodhur në një kishë në Itali. Një polic është fshehur te dhoma e rrëfimit dhe ka arrestuar në flagrancë duke vjedhur në paratë e Kishës, një shtetas shqiptar 47-vjeç.
Ai u kap në brendësi të Kishës së Shën Antonit në Padova. Shqiptari fillimisht iu afrua kutisë së donacioneve gjatë orëve të vona të natës dhe nisi ta thyente atë.
Menjëherë ndërhynë edhe karabinierë të tjerë duke e arrestuar në flagrancë. Atij iu sekuestruan 70 euro dhe disa të holla, gërshërë dhe një elektrik dore.
Emri i tij nuk bëhet i ditur por mediat italiane raportojnë se 47-vjeçari ka precedentë të mëparshëm penal për drogë.
