Policia e Korçës ka vënë në pranga shtetasin me iniciale V.H, 25 vjeç, banues në fshatin Kalivaç, Pogradec.
Ky shtetas u arrestua pasi gjatë kontrollit të ushtruar në banesën e tij që kishte në përdorim, në Libonik, iu gjetën 5 doza me lëndë të dyshuar narkotike e llojit kokainë, si edhe gjatë kontrollit trupor, iu gjet një mjet prerës (thikë), të cilat iu sekuestruan në cilësinë e provës materiale, njoftojnë autoritetet.
Materialet i kaluan Prokurorisë të Rrethit Gjyqësor Korçë, për veprat penale “Prodhimi dhe shitja e narkotikëve” dhe “Prodhimi, mbajtja, blerja apo shitja pa leje e armëve të ftohta”.
