Ish-trajneri i Juventus, Max Allegri është kandidati kryesor për të marrë postin trajnues të Bayernit të Munihut pasi shkarkimit të Niko Kovac. – sipas gazetës gjermane “BILD”.
Kampionët e Bundesligës , me anë të një deklarate njoftuan shkarkimin e trajnerit Kovac mbrëmjen e djeshme.
Allegri që nga largimi nga Juventus verën e kaluar, ishte në pritje të një ekipi të ri, dhe mendohej që ai po priste mundësinë për të trajnuar në Angli.
Gjithsesi, me Bajernin që tanimë po kërkon trajner të ri, kjo do të ishte një mundësi shumë e mirë për 52- vjeçarin, për të drejtuar një klub gjigand siç janë bavarezët.
Allegri ishte në krye të Juventusit për pesë vite, duke fituar pesë tituj kampion, si dhe arriti dy herë në finalet e “Champions League”.
