Sipas një sondazhi të Fox News, Joe Biden kryeson me 12 pikë për kandidatët demokratë që kanë më shumë gjasa të mundin Donald Trump në zgjedhjet presidenciale të 2020-ës.
Demokratët mendojnë se Biden është kandidati i duhur për t’u përballur me Trump, e ndërsa votuesit në sondazh shprehen të kënaqur me kandidatët, më shumë se çereku i tyre thonë se do të donin të kishin mundësi të tjera zgjedhjeje, sipas sondazhit të Fox News.
Biden kryeson me 31% mbështetje, i ndjekur nga Elizabeth Warren me 21%, Bernie Sanders me 19% dhe Pete Buttigieg me 7%. Në krahasim me rezultatet e të njëjtit sondazh të realizuar në muajin mars, preferenca për Biden mbetet e njëjtë, mbështetja për Warren është rritur ndjeshëm me +17 pikë, raporton Newsbomb.al.
Plot 68% e votuesve mendojnë se Biden do të arrijë të mundë Trump në zgjedhjet e 2020-ës, ndërsa për Warren, 57%.
Të pyetur nëse kundërshtar përballë do të donin të kishin sërish Trump apo dikë tjetër, 78% sfidojnë duke thënë se dëshirojnë të shohin përballjen me Trump.
Nëse do të bëheshin pjesë e garës së demokratëve, votuesit do të ishin të gatshëm të mbështesnin më parë Michelle Obama (50%), e ndjekur nga Hillary Clinton me 27%, ndërsa mbështetja për kryebashkiakun e Nju Jorkut, Michael Bloomberg është tepër e vogël, vetëm 6%.
