Niko Kovac pranoi që e ardhmja e tij si trajner i Bayern është në rrezik pas humbjes turpëruese ndaj Eintracht Frankfurt me rezultatin 5-1.
Për sa i përket të ardhmes së tij, ai deklaroi për mediat gjermane:
“E di si funksionojnë këto gjëra, nuk jam naiv. Ndjenjat e mia nuk janë të rëndësishme, në fund të fundit duhen pyetur ata që marrin vendimet”.
“Pas kartonit të kuq gjithçka shkoi keq, por gjithsesi kjo nuk duhej të na kishte ndodhur dhe nuk është kjo që presim nga grupi. Bëmë shumë gabime”.
Duhet theksuar, se shkarkimi i Niko Kovac ishte temë bisedash para ndeshjes me Eintracht Frankfurt, dhe duket se kjo humbje e ka vulosur shkarkimin e tij, pasi sipas “Sport1”, vendimi për të ardhmen e trajnerit do të merret gjatë kësaj jave, dhe sipas gjasave Bayern-it do t’i duhet të kërkojë trajnerin e ri.
