Sulmuesi i Napolit, Lorenzo Insigne, ka lëshuar akuza të forta për gjyqtarin Rocchi, dhe sistemin VAR, pas ndeshjes së humbur kundër Romës.
I pyetur pas ndeshjes për të dhënë përshtypjet e rasteve kontroverse, ai tha për mediat italiane:
“Rasti i Lozanos? Duhet të pyesni Rocchin pse nuk e dha, nëse atij i është ndërhyrë brenda ose jashtë zonës. E pyeta Rocchin në fund të ndeshjes për atë që ndodhi dhe ai më tha se VAR-i i kishte komunikuar penalltinë, ndërsa vetë kishte parë se lojtari kishte stimuluar”.
“Kur i kërkova shpjegime ai më drejtoi gishtin dhe më tha: “Ke bërë më shumë gabime në fushë se unë”. Nuk e gjykoj atë , më vjen keq, nuk i thashë asgjë, thjesht e pyeta se pse VAR-i tha diçka, ndërsa ai zgjodhi diçka tjetër. VAR-i, punon për ekipet e tjera, ndërsa për ne jo. Duhet të funksionojë për të gjithë”. – përfundoi ai.
