Romelu Lukaku po përjeton një sezon fantastik me fanellën e Interit, qëkur iu bashkua skuadrës nga Manchester United, për rreth 80 milionë paundë.
Sulmuesi shtatlartë, shënoi 42 gola në 96 ndeshje për “djajtë e kuq”, por Ole Gunnar Solskjaer nuk e preferonte sulmuesin belg, duke besuar te Anthony Martial dhe Marcus rashford për të udhëhequr sulmin, çka solli dhe largimin e sulmuesit.
Por një statistikë interesante vihet re nga mediat britanike, ku që nga fillimi i muajit shtator, skuadra e United, ka arritur të shënojë vetëm gjashtë gola në shtatë ndeshje të kampionatit, ndërsa Lukaku në të njëjtën periudhë kohore, ka arritur të shënojë 8 gola në 10 ndeshjet që ka zhvilluar me Interin.
Gjithashtu skuadrat gjenden në dy pozicione të kundërta, me Interin që lufton për kampionatin ndërsa United po zhvillon një nga kampionatet më të këqija në historinë e saj, duke dhënë sinjale se problemet tek United nuk fillonin me sulmuesin belg.
