Ekspertët e kriminalistikës janë duke analizuar provat e gjetur në mjetin e gjetur të braktisur disa orë pas atentatit te mbikalimi i Shkozetit, ku u plagos prokurori Arjan Ndoja, shoferi Andi Maloku dhe Landi Muharremi.
Mjeti tip ‘Benz’ Evo ngjyrë gri me targa shqiptare false, që konsiderohet si provë e çmuar në duart e grupit hetimor, u gjet i padjegur e i braktisur, me bllokazh ndezur, në fshatin Shkafanë në zonën e Ishmit.
Brenda në makinë janë gjetur maska dhe dy automatikë, që dyshohet se janë përdorur nga autorët kundër prokurorit dhe dy personave të tjerë. Burime pranë grupit hetimor thanë se në maska janë gjetur gjurmë pështyme, provë kjo që mund të çojë në identifikimin e autorëve.
Dyshimet e grupit hetimor, janë se autorët janë vrasës me pagesë.
