Shkatërrimi i një rrjeti të madh të trafikut të drogës u arrit nga bashkëpunimi i DEA-s amerikane dhe Byrosë në Luftën kundër Drogës në Greqi.
Oficerët, pas informacionit dhe hetimeve të detajuara, zbuluan një apartament në të cilin u gjetën dhe sekuestruan 105 kg kokainë dhe 828,000 euro.
Si pjesë e operacionit, u arrestuan tre të huaj, si anëtarë të organizatës kriminale, përkatësisht dy shqiptarë dhe një kroat, përfshirë kryetarin e organizatës.
Të ardhurat e pritura nga organizata kriminale, me shitjen e kokainës në tregun e brendshëm vlerësohet të tejkalojnë 5,000,000 euro, tha policia.
Në apartamentin në Agios Dimitrios Attica, i cili shërbeu si një bazë, u sekuestruan 104 kilogramë dhe 114.7 gram kokainë, e cila ishte e ndarë në 102 pako, që kishin logo të ndryshme.
Policia zhvilloi gjithashtu hetime për shtëpinë e njërit prej të arrestuarve në Ilioupolis si dhe në një automjet privat që ndodhej jashtë apartamentit në Agios Dimitrios.
Ndërkohë mediat shqiptare raportojnë se dy prej të arrestuarve janë: Erjon Metkaj, 40 vjeç dhe Jonid Billa, 33-vjeçar, ky i fundit ish-oficer i Marinës shqiptare.
Γίνεται δουλειά. Πολλά συγχαρητήρια.@hellenicpolice | #ProstasiaPoliti
Νέα εξάρθρωση εγκληματικής οργάνωσης κατοχής και διακίνησης ναρκωτικών. pic.twitter.com/iy0dxOaCzc
— Μιχάλης Χρυσοχοΐδης (@chrisochoidis) October 31, 2019
Sendet e sekuestruara
shuma prej 828.565 EUR,
dy vetura private
dy peshore precize,
dy shkëmbyes të nxehtësisë,
tre kabllo të lëvizshëm,
katër pajisje tokëzimi,
pajisje për çaktivizimin e celularit,
audio player,
12 pajisje mobile,
dy shirita mbështjellës,
pako najloni për paketimin e ilaçeve
Sipas mediave greke, organizata e zbuluar kishte një strukturë hierarkike, me anëtarët e saj caktuar role specifike.
Kreu i organizatës kriminale ishte një i huaj i cili ishte gjithashtu përgjegjës për blerjen, ruajtjen dhe shpërndarjen e sasive të mëdha të kokainës.
