Prokurori i Durrësit, Arjan Ndoja, ka mbetur i plagosur gjatë atentatit që ju bë në mbikalimin e Shkozetit, ndërsa udhëtonte me mjetin e tij.
Ndoja është prokurori i cili u kërcënua nga kryeministri Edi Rama dhe zv.kryeminsitri Erjon Braçe pasi lëshoi urdhër arrestin për ish-kreun e Kadastrës në Durrës, Liridon Pula.
‘Nuk do t’i shpëtosh ndëshkimit’, ky ishte dhe kërcënimi me të cilin Rama i drejtohej prokurorit Ndoja nga salla e parlamentit.
“Javën e kaluara një rast flagrant i shkeljes së ligji, por jo vetëm i shkeljes së ligjit por të transformimit të një figure të sistemit të drejtësisë në përfaqësues të interesave të krimit, që sigurisht nuk do t’i shpëtojë ndëshkimit. Fatkeqësisht po shohim se pastrimi i llumit nga sistemi i drejtësisë ka dhe një efekt negativ, sepse shumë prokurorë e gjykatës që janë të zhytur deri në fyt, po e shfrytëzojnë pushtetin që ju jep ligji me moton ‘të kapin, çfarë të kapim’, deklaronte Rama nga salla e parlamentit.
