Arsenali janë të gatshëm për të konkurruar me Manchester City, për të nënshkruar me Isco-n e Realit.
Raportimet në Spanjë deklarojnë se “Topcinjtë”, shohin te Isco, zëvendësuesin ideal të Mesut Ozil si regjisorin e skuadrës.
Mesut Ozil nuk është në planet e Unai Emery si zgjedhje e parë, dhe në këtë mënyrë largimi i tij nga Arsenali është çështje kohe, dhe kjo mund t’i hapë dyert mesfushorit spanjoll, i cili ka humbur shkëlqimin e dikurshëm tek Reali I Madridit – sipas “El Mundo Deportivo”.
Por gjithsesi afrimi i Iscos nga Arsenali, nuk do të jetë aspak i lehtë, pasi dhe Manchester City e sheh atë si zëvendësues të David Silvas, i cili është në vitin e fundit të kontratës me skuadrën angleze.
