“Rama duhet të japë dorëheqjen”. Kështu shprehet këshilltari ekonomik i kancelares Angela Merkel pas atentatit që iu bë prokurorit Arjan Ndoja pasditen e sotme.
Henze, në një reagim në twitter shprehet se sot u qëllua një prokuror, pasi ky i fundit po heton miqtë e partisë mafia që është në pushtet.
“Manipulimi i partisë qeverisëse shqiptare Rama + Mafia. Sot Mafia qëlloi një prokuror i cili po heton miqtë e partisë së Ramës në pushtet. Rama është mafia, sipas shtypit, nuk ka më bisedime me Ramën, ai duhet të japë dorëheqjen”, shkruan Henze.
Nga atentati që ndodhi pasditen e sotme në mbikalimin e Shkozetit u plagos Arjan Ndoj, shoferi i tij Andi Maloku dhe Aleksandër Laho.
