E kthyer në trend këtë sezon, Juventusi vuajti për të marrë 3 pikët në shtëpi ndaj Genoas.
Ai që vendosi takimin ishte Cristiano Ronaldo, i cili me anë të një penalltie të cilën e mori po vetë , arriti të shënojë në minutën e 95.
Duke folur për mikrofonët e “Sky Sport” pas ndeshjes, portugezi deklaroi:
“Jam shumë i lumtur. Ishte një ndeshje e vështirë ndaj një skuadre të organizuar, por ne jemi Juventus, motoja jonë është të luftojmë deri në fund.”
“Jemi shumë të lumtur për tre pikët. Krijuam shumë raste dhe e merituam këtë.”
“Kishim pak ankth teksa minutat po kalonin, sepse e dinim që ishim të dytët prapa Interit, dhe fitorja na duhej. Pata edhe pak frikë, por kërkuam fitoren deri në momentin e fundit.”
Kjo fitore e Juventus, e katapulton ekipin përsëri në vendin e parë me 26 pikë, duke zbritur një pozicion më poshtë Interin në kuotën e 25 pikëve.
Ndërsa në ndeshjet e tjera të zhvilluara mbrëmë në Seria A, bien në sy barazimi i Napolit 2-2 me Atalantën e Gjimshitit, fitorja e thellë në transfertë e Romës ndaj Udinezes me rezultatin 0-4, dhe gjithashtu fitorja 4-0 e Lacios ndaj Torinos, që ruan ecurinë mjaft pozitive të ekipit kryeqytetas.
