Ish-ministri i Drejtësisë, Ylli Manjani ka ironizuar deklaratat e fundit të Rilindjes se duan të largojnë ndikimin rus nga Shqipëria.
Përmes një postimi në Facebook, Manjani shkruan se nëse duan ta bëjnë këtë duhet të fillojnë nga me transparencën e kompanive OFF-SHORE në sektorin Bankar, në Energji dhe në Aeroportin e vetëm ndërkombëtar, në zemrën e sigurisë kombëtare!!!
“Të ndalojnë në vijim çdo investim tjetër OFF-SHORE, se ku i dihet mbase ka Rusë aty.” – shkruan Manjani në postimin e tij.
Reagimi i plotë:
Parlamenti monist i Edvin Kajmakut vijon të bëhet gjithnjë e më qesharak.
Tani duan të largojnë ndikimin Rus. 🤣🤣
Pra, dmth paska ndikim Rus dhe u dashka ta largojnë. Bravo për sinqeritetin!
Po mirë, fundja t’i largojnë Rusët! Mirë do bëjnë.
Le ta fillojnë me transparencën e kompanive OFF-SHORE në sektorin Bankar, në Energji dhe në Aeroportin e vetëm ndërkombëtar, në zemrën e sigurisë kombëtare!!!
Të ndalojnë në vijim çdo investim tjetër OFF-SHORE, se ku i dihet mbase ka Rusë aty.
Me rezoluta deklarative të tipit bolshevik nuk trembet, por joshet Rusia të jetë më prezente.
Në fakt duket sikur po e ftojnë Rusinë për më shumë prezencë…
Kot bëjnë si Amerikanë. Monistët nuk bëhen kurrë Amerikanë.
