Në orët e para të mëngjesit të sotëm, u zhvilluan 11 ndeshje në kampionatin e basketbollit, NBA.
Por ndeshja mes Washington dhe Houston do të mbahet mend gjatë, në një sfidë ku u shënuan 317 pikë në total, aty ku Houston Rockets arritën ta fitojnë me rezultatin, 159-158.
James Harden ishte spektakolar duke realizuar, 59 pikë për ekipin nga Texas, ndërsa në krahun tjetër për Washington Wizards u përpoq t’i kundërpërgjigjej Bradley Beal, i cili e mbylli ndeshjen me 46 pikë.
Te Houston për tu përmendur, është dhe “triple double” i Russell Westbrook me 17 pikë, 10 topa në tabelë e 12 pasime.
Ndërsa në ndeshjet e tjera, vihet re humbja e radhës për Golden State Warriors e treta në 4 katër ndeshje, fitorja e Boston Celtics ndaj Milwaukee Bucks,ndërsa Los Angeles Clippers, në mungesë të Kawhi Leonard, u dorëzuan përballë Utah Jazz.
