Sipas Insitutit të Gjeoshkencave, ditën e sotme (e enje dt.31) priten reshje të dobëta pothuajse në të gjitha qarqet.
Ato pritet të jenë lokalisht mesatare në qarqet Durrës, Tiranë, Vlorë dhe Gjirokastër.
Në zona të kufizuara të qarqeve, reshjet do të jenë në formë shtrëngate, më të mundshme në bregdetin jugor dhe terrenet malore jugore.
Temperaturat minimale dhe maksimale të ajrit pritet të arrijnë:
në bregdet: 14 / 20 °C
në vendet e ulëta: 14 / 22 °C
në vendet malore: 8 / 16 °C
Era pritet të fryjë e lehtë deri mesatare, kryesisht në bregdet dhe në territoret malore veriore.
