Pak minuta më parë një aksident është shënuar në kryeqytet ku një betoniere ka përplasur një makinë në zonën e “21 Dhjetorit”.
Raportohet paraprakisht se, si pasojë e aksidentit nuk ka viktima, ndërsa ende nuk dihet nëse ka persona të plagosur.
Nga fotot e mëposhtme konstatohet se është dëmtuar automjeti që është përplasur ndërsa ky aksident ka shkaktuar trafik të rënduar në rrugë.
Policia dhe grupi hetimor kanë mbërritur në vendin e ngjarjes ku edhe po hetohet mbi shkaqet dhe rrethanat e këtij aksidenti.
