Kreu i opozitës Lulzim Basha, zhvilloi ditën e sotme një bashkëbisedim me të rinjtë, ku tema kryesore ishte se cili do të jetë roli i ri i qeverisë për të kthyer shpresën në vend.
Basha tha se PD dhe opozita shumë shpejt do ti kthejnë shpresën e humbur rinisë dhe vendit.
‘Në të gjitha dështimet e kësaj qeverie, dështimi më i madh është dështimi me rininë, e cila po rritet në një vend pa punësim, pa të ardhme, në një vend me një klimë të shkatërruar për kompanitë dhe biznesin. Në një vend ku fjala e parë e rinisë është largimi jashtë vendit. Nuk ka pse të jetë kështu dhe nuk do të jetë kështu për shumë gjatë, sepse ky vend i ka mundësitë për të punësuar të gjithë shqiptarët dhe në veçanti për rininë. Ne do të vendosim në radhë të parë interesat e rinisë dhe jo interesat e oligarkëve, ne e kemi këtë vizion. Unë sot dua të dëgjoj mendimet tuaja, dhe do të marr mendimet tuaja për të bërë më pas realitet çdo zotim, dhe zotimi ynë kryesor është tu kthejmë shpresën shqiptarëve dhe rinisë, përmes një qeverie që del nga vota e njerëzve dhe punon për njerëzit’, deklaroi Basha.
