Ambasadori i Bullgarisë, Momtchil Stoyanov Raytchevski, tha se Maqedonia e Veriut dhe Shqipëria duhet të plotësojnë kushtet për Bashkimin Europian.
Nga Vlora, diplomati bullgar tha institucionet shqiptare i dinë detyrat që duhet të plotësojnë për t’iu bashkuar familjes europiane.
“Shpresoj shumë që kushtet të plotësohen dhe rezultatet të tregohen, në mënyrë që vitin e ardhshëm të merret një vendim pozitiv për negociatat”, tha diplomati bullgar.
Lidhur me shengenin ballkanik, një projekt i diskutuar mes Presidentit serb, Aleksandar Vuçic, dhe Kryeministrave të Shqipërisë dhe Maqedonisë së Veriut, Edi Rama dhe Zoran Zaev, ambasadori bullgar theksoi se e rëndësishme është ligjshmëria e këtij bashkimi.
Ai tha se ccështja është që krijimi i lidhjeve të tilla të mos ndodhë vetëm mes vendeve të Ballkanit Perëndimor, por edhe mes vendeve të tjera të Europës.
