Ashtu siç ishte parashikuar nga sinoptikanët, mbrëmjen e sotme kanë nisur reshjet e dendura të shiut në disa zona të vendit, ndërsa ditën e nesërme pritet të përfshijnë gjithë vendin.
Në vetëm pak minuta, reshjet e dendura të mbrëmjes së sotme kanë krijuar mjaft probleme në qytetin e Vlorës, duke bllokuar disa rrugë.
Problematika në qarkullim janë krijuar në vendin e njohur si “Albano dhe Romina”, dhe po kështu edhe në akset lidhëse nga rruga Trasballkanike në drejtim të bulevardit, kryesisht “Veledin Kollozi” dhe Rruga “Kosova”. Situata po monitorohet nga punonjësit e ujësjellësit dhe kanalizimeve që po punojnë për normalizimin e situatës.
