U duk se do të kishin probleme në ndeshjen e parë të humbur kundër L.A Clippers, por Los Angeles Lakers duken të pandalshëm, duke fituar dhe ndeshjen e radhës në mënyrë bindëse ndaj Memphis Grizzlies, me rezultatin 120-91.
Duhet përmendur ndeshja e Anthony Davis, me statistika “monstruoze”, duke realizuar 40 pikë dhe duke kapur 20 topa në tabelë. Ndërsa LeBron James u shfaq disi më pasiv, duke u fokusuar në organizimin e ndeshjes dhe e mbylli atë me 23 pikë të shënuara dhe 8 pasime.
Në ndeshjet e tjera bie në sy humbja e parë e Denver Nuggets, pas 3 fitoreve radhazi ata u dorëzuan ndaj Dallas Mavericks, me rezultatin 106-109.
