Lideri i Vetëvendosjes dhe njëkohësisht kandidati për kryeministër i Kosovës Albin Kurti ka postuar në rrjetet sociale një fotografi teksa takohet me Vjosa Osmanin, që në zgjedhjet e 6 Tetorit ishte kandidatja e Lëvizjes Demokratike të Kosovës për postin e kreut të ekzekutivit.
Kurti shkruan se dy liderët kanë diskutuar “për përgatitjet për qeverisjen e re dhe sfidat që na presin. Kosova do të dalë nga kriza dhe do të përparojë. Bashkëpunimi ynë është përkushtimi ynë”.
Ja postimi i plotë i Kurtit:
Bashkë me Vjosën biseduam sot për përgatitjet për qeverisjen e re dhe sfidat që na presin. Kosova do të dalë nga kriza dhe do të përparojë. Bashkëpunimi ynë është përkushtimi ynë. Qëllimet e mira dhe punët e mbara janë përgjegjësi e jona ndaj qytetarëve të Republikës dhe institucioneve të shtetit.
Para zgjedhjeve, mes dy politikanëve aleatë kishte patur diskutime mbi lidershipin e mundshëm në rast fitoreje, por ngjarjet e fundit tregojnë se këto probleme janë tashmë të kaluara.
