Cristiano Ronaldo pranon që është i motivuar nga “ndeshjet e mëdha”, dhe se do të luante vetëm për skuadrën kombëtare dhe në “Champions League”, me Juventusin.
34-vjeçari ka fituar gjithçka në nivel klubi, dhe është i motivuar në ato ndeshjet ku ndjen presionin.
“Po ju them, nëse do ishte në dorën time, do të luaja vetëm në ndeshjet e rëndësishme, ato me kombëtaren e Portugalisë dhe në Champions League”, – tha ai në një intervistë për “France Football”.
“ Janë këto ndeshje që dallojnë, ndeshje në të cilat rrezikohet sezoni, me mjedis të vështirë, me presion.”
Por ai shton , që gjithmonë jep maksimumin kur del në fushë, edhe nëse është miqësore, ndërsa nuk i interesojnë reagimet e publikut të gjerë apo opinionet e tyre për të.
“Duhet të jesh një profesionist dhe të perfomosh mirë çdo ditë, për të nderuar familjen tënde dhe klubin që përfaqëson, atë që të paguan. Ndërsa për gjërat e tjera nuk i jap rëndësi, si disa reagimeve që marr nga publiku,” – shtoi ai.
