Arrestohet drejtuesi i mjetit që përplasi për vdekje një grua 75-vjeçare me makinë në aksin Bilisht-Miras, më herët gjatë kësaj të marte.
“Në vijim të informacionit paraprak datë 29.10.2019, informojmë se specialistët e Sektorit për Policinë Rrugore, bënë arrestimin në flagrancë të shtetasit V.H, 36 vjeç, banues në Sul, pasi në rrugën Bilisht-Miras, ky shtetas duke drejtuar mjetin tip ‘Benz’, ka aksidentuar shtetasen Gj.H, 75 vjeçe, banuese në Poloskë, e cila më pas ka ndërruar jetë në Spital”, njoftoi policia.
Materialet i kaluan Prokurorisë pranë Gjykatës së Shkallës së Parë Korçë për veprën penale “Shkelja e rregullave të qarkullimit rrugor”, shtuan të njëjtat burime.
