Gjykata e Durrësit vendosi sot masën e sigurisë me 20 ditë burg për Ferdinant Torozin 54 vjeç dhe Petrit Topollai 49 vjeç, lidhur me aksidentin horror të ndodhur në autostradën Tiranë-Durrës, ku viktimë mbeti 25 vjeçari Ramazan Bata.
Gjyqtari Vladimir Skënderi pranoi kërkesën e prokurores Fabjana Halili, ndërsa ende nuk është përcaktuar se kush është autori i aksidentit.
Nga raportimet e deritanishme mësohet se Bata, u përplas nga një autobus, por më pas ishte një tjetër mjet që e ka përplasur, madje duke e tërhequr zvarrë. Është raportuar se trupi i viktimës është gjetur 1.5 km larg vendit të ngjarjes.
