Ka nderuar jetë në moshën 76 vjeçare Vladimir Bukovskij, historian disident i ish Bashkimit Sovjeti. “New York Times” e përshkroi atë si “një hero me përmasa pothuajse legjendare në lëvizjen disidente”.
Shkrimtari dhe aktivisti rus për të drejtat e njeriut, kaloi 12 vjet në kampe dhe spitale psikiatrike dhe gjysmën e jetës së tij në mërgim.
Vladimir Bukovskij vdiq nga një atak në zemër në spitalin ‘Addenbrooke’s Hospital de Cambridge’, në Angli, shkruan “Bukovsky Center” në një komunikatë.
Vladimir Bukovskij ishte arrestuar në vitin 1963 dhe ishte dërguar në një spital psikiatrik për rreth një vit për organizimin e takimeve poetike dhe se zotëronte letërsinë së ndaluar.
Në fillim të viteve ’70 ai u arrestua për herë të dytë dhe u bë i burgosuri politik më i njohur në atë kohë.
Bukovski ka shkruar gjashtë romane, qindra tregime të shkurtra dhe mijëra poema, për gjithsej mbi gjashtëdhjetë libra. Përmbajtja e këtyre merret me jetën e tij dhe me peripecitë e shumta në ish BS.
