Një operacion i madh shpëtimi për të nxjerrë një vogëlush që ka rënë në një pus të ngushtë në Indi ka hyrë në ditën e tij të katërt.
Sujith Wilson, 2 vjeç, fillimisht ngeci në thellësinë 10 metra, por rënia e tij vazhdoi në fund të pusit 180 metra në shtetin Tamil Nadu.
Sipas raportimeve djaloshi rrëshqiti brenda pusit të ngushtë ndërsa ishte duke luajtur me shokët, ku e para në vendngjarje kishte mbërritur nëna e tij e cila i thërriste djalit të saj që të mos qante.
Shkaku i vonesës në shpëtimin e fëmijës, mbetet shtresa e baltës.
Grupet e shpëtimit vazhdimisht pompojnë oksigjen për djalin, dhe strategjia që po ndjekin është hapja e një pusi paralel, si në rastin e Julienit të vogël nga Spanja.
Lutjet janë duke u bërë në të gjithë tempujt, xhamitë dhe kishat nëpër të gjithë vendin për shpëtimin e të voglit.
Të hënën, kryeministri Naredra Modi shkroi në Twitter me shqetësim për fëmijën.
“Lutjet e mia janë për të voglin dhe trimin Sujith Wilson.”
