Mauro Icardi i ndodhur në huazim te PSG nga Inter, pretendon që Paris Saint-Germain janë “ekipi më i mirë” që ka luajtur ndonjëherë.
Icardi e çoi në gjashtë numrin e golave në vetëm pesë ndeshje mbrëmë, duke ndihmuar kampionët e Francës të mundë 4-0 Olympique Marseille.
“Jam shumë i lumtur për golat dhe fitoren këtë mbrëmje,” – tha ai në intervistën për Canal+.
“Kam luajtur me kampionë të mëdhenj, por kjo skuadër e PSG, është skuadra më e mirë që kam luajtur ndonjëherë. Ndjehem mirë dhe mund të shënoj gola.”
Parizienët kanë një opsion për ta blerë 26-vjeçarin në fund të sezonit, për një shumë rreth 70 milionë euro.
