Sekretari i Përgjithshëm i PD-së, Gazmend Bardhi lexoi një shkresë të prokurorisë, sipas së cilës, Agim Kajmaku është Jorgo Toto, kryebashkiaku i cili fshehu arrestimin në Greqi në formularin e dekriminalizimit.
“Nga informacioni i zyrës Interpol Greqi rezulton se nga krahasimi daktiloskopik i gjurmëve të gishtave të shtetasit Agim Kajmaku me gjurmët daktiloskopike që ndodhen në bazën e të dhënave kriminale të Greqisë, rezulton se këto gjurme përputhen me gjurmët e gishtave të shtetasit Jorgo Toto”, lexoi Bardhi.
“Nga verifikimet e kryera konfirmohet se Agim Kajmaku ka patur dijeni të plotë në lidhje me faktin se ka qenë në hetim penal në Greqi dhe se ndaj tij kishte një proces gjyqësor në zhvillim. Kjo sepse ai është arrestuar në flagrancë dhe ka dalë para gjykatës greke, ku i është bërë e ditur e gjithë procedura që do të ndiqet ndaj tij. Nga ana tjetër, rezulton se Agim Kajmaku ka kryer veprime konkrete për fshehjen e këtij fakti para autoriteteve shqiptare, duke ndryshuar në datën 30 Mars 2004 emër/mbiemër nga ‘Jorgo Toto’ në Agim Kajmaku, si dhe duke mos e deklaruar këtë fakt në formularin e dekriminalizimit”, tha më tej Bardhi, duke iu referuar të njëjtit dokument.
Bardhi kërkoi shkarkimin e menjëhershëm të Agim Kajmakut nga detyra e kryebashkiakut të Vorës. “Prokuroria ka dalë në përfundimin se Agim Kajmaku duhet të skualifikohet menjëherë nga funksioni publik”.
“Çdo alibi e krijuar nga Edi Rama dhe përfaqësuesi i tij në Bashkinë e Vorës, është rrëzuar. PD e ka te qarte se Edi Rama nuk ka vullnet për ta luftuar krimin dhe se pushtetin e tij e ka te lidhur me krimin. Mirëpo shkarkimi i menjëhershëm nga detyra i Agim Kajmakut, nuk është me një çështje e vullnetit në dorë të Edi Ramës. Edi Rama ka detyrimin kushtetues dhe ligjor të shkarkojë menjëherë nga detyra kryetarin e Bashkisë së Vorës, Agim Kajmaku, i cili është arrestuar dhe ka qenë në kërkim ndërkombëtar deri në shtator 2019”, shtoi.
Më herët, PD ka denoncuar se Kajmaku ka fshehur arrestimin në Greqi, në formularin e dekriminalizimit. Akuzat u hodhën poshtë nga Kajmaku, duke deklaruar se nuk ishte ai Jorgo Toto, personi që pretendonte PD. Dokumnetat e publikuara, më tej, zbuluan se bëhej fjalë për të njëjtin person,
