Ryan Giggs beson që Lionel Messi është lojtar që vjen një herë në jetë, por anon nga Cristiano Ronaldo kur vjen pyetja se cili nga të dy është më i miri.
“Sigurisht që anoj tek Ronaldo më shumë , pasi luajta me të dhe e pashë të zhvillohej si lojtar.” – tha trajneri i Uellsit, gjatë një interviste për “DAZN”.
“Por Messi është një gjeni. Kaq mund të thuash për të.”
Ndërkohë Giggs, foli edhe për transferimin e Ronaldos te Juventusi, duke u shprehur i habitur që la Realin e Madridit për Italinë, duke thënë se ishte një sfidë e madhe por që shkoi te një klub i madh siç është Juventusi.
Giggs luajti përkrah Ronaldos për 6 vite te Manchester United, ku portugezi evoloi nga një adoleshent i talentuar, në lojtarin më të mirë në botë.
