Presidenti Turk, Recep Tayyip Erdogan, kritikoi politikën e Bashkimit Europian ndaj Turqisë, duke thënë që Turqia mund të hapë kufijtë dhe të vërshojë refugjatët.
“Fundi i Bashkimit Europian do të vijë për shkak të hipokrizisë së saj. Kur ne themi do të hapim kufijtë, ata tremben. Mos u trembni. Kur koha të vijë, portat do hapen. Ju sfidoj të përballoni qindra mijëra refugjatë,”- tha ai ditën e djeshme, gjatë një fjalimi në një ceremoni për guvernatorët e rrethit në Ankara.
“ Ju na telefononi kur 100 njerëz kalojnë në Greqi nëpërmjet detit. Janë 4 milionë (refugjatë Sirianë) këtu, dhe ju heshtni.”
Ndërsa po gjatë këtij fjalimi, Erdogan përsëriti që nuk ka qëllime për territore të Sirisë, apo me popullin Kurd në vetvete, por me organizatat terroriste.
