Tre kamiona që transportonin 70 m3 dru janë bllokuar gjatë natës së djeshme në zonën e Elbasanit. Aksioni është kryer nga Policia Pyejore në bashkëpunim me Drejtorinë Vendore të Policisë Elbasan dhe për pasojë janë proceduar penalisht në gjendje të lirë, për veprat penale “Prerja e paligjshme e pyjeve”, dhe ” Fshehje e tê ardhurave” shtetasit:
M. S., 62 vjeç, banues në Elbasan, pasi në fshatin Bathës, Elbasan, u kap nga shërbimet e Policisë duke transportuar 4 m3 dru zjarri me mjetin tip kamion.
A. K., 46 vjeç, banues në fshatin Gjinar, Elbasan, pasi në fshatin Gjinar, u kap nga shërbimet e Policisë duke transportuar 4 m3 dru me mjetin tip kamion.
D. D., 30 vjeç, banues në Elbasan, pasi në fshatin Benë, Elbasan u kap nga shërbimet e Policisë duke transportuar 4 m3 dru me mjetin tip kamion.
A. D., 42 vjeç, XH. P., 42 vjeç dhe A. D., 44 vjeç, të tre banues në Elbasan, njofton Policia.
Procedimi penal ndaj këtyre shtetasve filloi pasi në vendin e quajtur “Guri Kopil” të Njësisë Administrative Zavalinë, Elbasan, janë konstatuar se kishin kryer prerje të paligjshme të pyjeve dhe kishin ngarkuar dru në atutomjetet e tyre tip kamion, të cilët janë sekuestruar në cilësinë e provës materiale.
Operacioni vijon.
Kujtojmë se prej kohësh, anëtari i kryesisë së PD-së, Jamarbër Malltezi ka denoncuar me foto shkatërrimin e pyjeve në zonën e Librazhdit për shkak të prerjeve pa kriter të pemëve duke hedhur akuza të drejpërdrejta mbi deputetin Taulant Balla.
