Ish-deputeti Gent Strazimiri, ka reaguar në emër të Partisë Demokratike, pas vendimit të KPK për të shkarkuar Gjyqtarin Artur Malaj.
Në reagimin e tij Strazimiri thekson se gjyqtari që dje u përdor nga Rama për të fundosur dekretin e Presidentit për zgjedhjet e 30 qershorit, sot qenka shpallur i padenjë.
Sipas tij kjo tregon edhe njëherë se si sistemi i drejtësisë është kapur nga Rama dhe banda e tij, ku gjyqtarët dhe prokurorët përdoren sipas orekseve politike dhe kur nuk ju duhen shkarkohen.
Ja psotimi i Strazimirit
Gjyqtari që dha votën deçzive në vendimin gjyqësor për “fundosjen” e Dekretit të Presidentit dhe çfundosjen e zgjedhjeve të 30 qershorit, sapo qenka fundosur si i padenjë, i padrejtë e si kusar i drejtësisë!
Njësoj si e gjithë trupa gjykuese që dënoi Edi Palokën për “shpifjen” se Saimir Tahiri merrej me drogë, apo si e gjithë trupa gjykuese që dënoi Arben Ristanin për “shpifjen” se Saimir Tahiri nuk mund të mos merrej me drogë pa mbështetjen dhe përfitimin e Edi Ramës.
Gjyqtarët e padenjë që kanë dhënë padrejtësi sipas porosive të Edi Ramës po fundosen 1 nga 1 si rraqe të përdorura!
Vendimet skandaloze, të paligjshme, të padenja të dhëna prej tyre janë ende në fuqi si karshillëk ndaj shoqërisë për sot dhe nesër… si Edi Rama, Saimir Tahiri, Gjushi, Damiani, Ulsiu… 30 qershori!
